MAYANJA ANAAMINI SIMBA ITAONGEZA KASI MPYA NA KUIMARIKA ZAIDI YA MECHI YA MTIBWA

MAYANJA AKIZUNGUMZA NA WACHEZAJI WAKE

Kocha wa Simba, Jackson Mayanja amesema soka waliloonyesha katika mechi dhidi Mtibwa Sugar, linatakiwa kuboreshwa zaidi.

Mayanja raia wa Uganda, amesema ana imani na vijana wake wanaweza kuimarika zaidi na kusababisha kukua kwa kiwango.

“Nataka kuona tunaimarika zaidi kwa kuwa ndiyo tumeanza kufanya kazi pamoja, lakini bado tuna nafasi ya kuimarisha kiwango chetu,” alisema Mayanja,

Simba ilionyesha kiwango kizuri katika mechi dhidi ya Mtibwa Sugar na kushinda kwa bao 1-0 lililofungwa na Hamisi Kiiza.

Hiyo ilikuwa ni mechi ya kwanza kwa Mayanja ambaye aliacha Coastal Union na kutua Simba kama kocha msaizidi.

Lakini siku chache baadaye, Simba ikamtimua kocha wake, Dylan Kerr na kumpa nafasi yeye kukiongoza kikosi huku ikisubiriwa kutangazwa kwa kocha mpya.