MAYANJA KOCHA MSAIDIZI SIMBA, ACHUKUA NAFASI YA MATOLA

MAYANJA (KULIA) AKIWA KATIKA BENCHI LA COASTAL UNION

Kocha Mganda Jackson Mayanja ndiye kocha mpya msaidizi wa Simba.

Mayanja aliyekuwa kocha mkuu wa Coastal Union ambayo inasuasua anachukua nafasi ya Selemani Matola aliyebwaga manyanga wiki kadhaa zilizopita ikionekana ilitokana na kutoelewana na Kocha Mkuu, Dylan Kerr.

Habari za ndani kutoka Simba zimeeleza, Mayanga ameingia mkataba wa miezi sita kuinoa Simba.

Kesho anatarajia kuungana na kikosi cha Simba ambacho kipo Zanzibar na kitacheza mechi mechi ya nusu fainali ya Kombe la Mapinduzi dhidi ya Mtibwa Sugar.

“Kweli tayari kila kitu, Mayanja ni kocha msaidizi sasa. Ila atakwenda Zanzibar kesho,” kilieleza chanzo.