Kipa namba moja wa Mtibwa Sugar, Said Mohammed amefunguka kwa kusema kuwa, matokeo mabaya ya timu yao ya kufungwa bao 1-0 na Simba yanatokana na kuchoshwa na michuano ya Kombe la Mapinduzi iliyomalizika hivi karibuni.
Mtibwa Sugar ambayo ipo nafasi ya nne kwenye msimamo wa Ligi Kuu Bara ikiwa na pointi 27, nyuma ya Simba yenye pointi 30, ilishindwa kuzifumania nyavu katika mechi yao dhidi ya Simba kwa kukosa nafasi kadhaa za wazi.
Said asema, timu yao ilicheza chini ya kiwango katika mchezo dhidi ya Simba kutokana na wachezaji wengi kuchoshwa na Kombe la Mapinduzi.
“Kikosi chetu kipo vizuri lakini tumeshindwa kufanya vyema katika mchezo huu (dhidi ya Simba) kwa sababu tumetoka katika Kombe la Mapinduzi, hivyo tumeshindwa kucheza katika kiwango kinachotakiwa.
“Tunajiandaa kwa ajili ya mchezo ujao ili tuweze kufanya vyema na kusonga mbele zaidi,” alisema Said.
0 COMMENTS:
Post a Comment