MKWASA KUANGALIA WALIO FITI TU ILI AWAITE WAIVAE CHAD MACHI 23

Kocha Mkuu wa Taifa Stars, Charles Boniface Mkwasa amesema ataangalia zaidi wachezaji walio fiti wakati wa kuita kikosi chake.

Walio fiti zaidi katika ligi ndiyo watapata nafasi kwa kuwa Taifa Stars haitakuwa na nafasi ya kutosha ya mazoezi kutokana na mabadiliko ya ratiba yaliyotangazwa na Shirikisho la Soka Afrika (Caf).

Awali Stars ilikuwa iivae Chad Machi 25 jijini N’Djamena, lakini mechi hiyo kuwania kucheza Kombe la Mataifa Afrika (Afcon) sasa itapigwa Machi 23 na Machi 28 zitarudiana jijini Dar es Salaam.

Taifa Stars chini ya Mkwasa inatarajia kuingia kambini Machi 20 kujiandaa na mechi hiyo.