PLUIJM ATAKA NONGA AWE SWAAAFI ZAIDI ILI KESHO AWAMALIZE WA MAURITIUS

 Kocha wa Yanga, Hans van der Pluijm ameonyesha anataka mshambuliaji wake mpya, Paul Nonga kupachika mabao zaidi.

Pluijm ametumia muda mwingi kumfundisha Nonga mambo kadhaa katika mazoezi ya timu hiyo kwenye Uwanja wa Boko Vetarani, leo.

Kocha huyo alikuwa akimuelekeza Nonga mambo kadhaa, ikiwa ni pamoja na namna ya kumalizia mpira unaokuja juu au chini.

Pia alikuwa akimuonyesha upande wa kupiga kutokana na mpira unavyomfikia.

Yanga itamkosa mshambuliaji wake hatari, Donald Ngoma ambaye amefiwa na mdogo wake na tayari ameondoka kwenda msibani Zimbabwe.

Hivyo pamoja na Tambwe, Pluijm anaonekana zaidi atawategemea Nonga na Malimi Busungu.