JACKSON MAYANJA: HATUJALALA KABISA KWA SABABU YA MBEYA CITY

Kocha Mkuu wa Simba, Jackson Mayanja amesema hawalali kwa raha kwa kuwa wanataka kufanya vizuri katika mechi yao ya Ligi Kuu Bara dhidi ya Mbeya City, leo.

Simba watakuwa wenyeji wa Mbeya City katika mechi itakayopigwa kwenye Uwanja wa Taifa jijini Dar es Saaalm.

“Kwa mtu mwenye tabia ya kutaka ushindi, mara nyingi anakosa usingizi kama kuna jambo muhimu linalomsubiri mbele yake. Hakika tunaichukulia mechi ya Mbeya City kwa umuhimu mkubwa,” alisema Mayanja.

Mayanja amesema iwapo Simba itashinda mechi hiyo, watakuwa kwenye nafasi nzuri ya kupanaga mahesabu kwa ajili ya kuukimbilia ubingwa, jambo ambalo wanaamini linawezekana.