MCHEZAJI GENK AMPONGEZA SAMATTA KWA BAO LAKE LA KWANZA UBELGIJI

WALSH (WA PILI KULIA) AKIWA NA SAMATTA PAMOJA NA WACHEZAJI WENGINE WA GENK WAKISHANGILIA USHINDI WAO DHIDI YA CLUB BRUGGE.

Beki kisiki wa KRC Genk, Sandy Walsh amempongeza Mbwana Samatta kwa bao lake la kwanza akiwa na kikosi hicho.

Walsh ametupia picha wakiwa na wachezaji wengine pamoja na Samatta katika mtandao wa kijamii wa Facebook akimpongeza Samatta baada ya kufunga bao la tatu katika mechi dhidi ya Club Brugge ikiwa ni dakika chache tu baada ya kuingia. Katika mechi hiyo, Genk iliibuka na ushindi wa mabao 3-2.

Mtanzania huyo amejiunga na Genk akitokea mabingwa wa Afrika, TP Mazembe ya DR Congo ambayo kwa kiasi kikubwa aliisaidia kubeba ubingwa huo.