WATANZANIA, WAGANDA WAUNGANA KUMUOMBEA ABEL DHAIRA, MWENYEZI MUNGU AMSAIDIE

DHAIRA AKISALIMIANA NA RAIS WA UGANDA, YOWELI MUSEVENI ALIPOTEMBELEA MAZOEZI YA THE CRANES.

Mashabiki mbalimbali wa soka wa Tanzania na Uganda wameungana kumuombea kipa wa zamani wa Simba, Abel Dhaira apate nafuu na Mwenyezi Mungu amsaidie zaidi.

Dhaira ambaye sasa ni kipa wa IBV Vestmannaeyjar ya Iceland, amebainika kuwa na ugonjwa wa kansa ya utumbo na imeelezwa kusambaa sehemu mbalimbali za mwili wake.

Hali hiyo ya kushitua, imeonyesha kuwaumiza wadau wengi ambao wameungana katikam mitandao wakiweka picha wake na kuweka maneno mbalimbali ya kumuombea.

Tayari Dhaira aliyekuwa kipa wa URA na timu ya taifa ya Uganda 'The Cranes', amerejea Uganda ambako anapata matibabu zaidi baada ya kugundulika kuwa na ugonjwa huo wa kansa.

BLOG YA WANAMICHEZO NA WAPENDA BURUDANI YA SALEHJEMBE INATOA POLE KWA DHAIRA NA KUUNGANA NA WATANZANIA, WAGANDA NA WENGINE WOTE WANAOMUOMBEA.