TFF YAINGIA MKATABA NA KAMPUNI YA VIFAA YA MACRON, THAMANI TAKE NI SH MILIONI 800

Shirikisho la Soka Tanzania (TFF), limeingia mkataba wa miaka miwili na kampuni ya Macron.

Macron itakuwa ikitengeneza jezi kwa ajili ya timu ya wakubwa, Taifa Stars na zile za wanawake pamoja na vijana.

Rais wa TFF, Wallace Karia amesema mkataba huo utagharimu kitita cha Sh milioni 800 kwa miaka hiyo miwili.

Karia amesema kampuni hiyo itakuwa ikiwatengenezea vifaa mbalimbali vya michezo pia jezi za timu hiyo ya taifa.