MZUNGUKO WA 21 LIGI KUU BARA KUENDELEA KESHO, AZAM KUKIPIGA NA MBAO

Viwanja mbalimbali katika Ligi Kuu Bara vinataraji kutimua vumbi Jumapili ya kesho, Machi 4 2018 kwa mechi hizi kupigwa.

Tanzania Prisons yenyewe itakuwa Uwanja wake wa nyumbani, Sokoine Stadium, kuikaribisha Ruvu Shooting, mechi ikipigwa saa 10:00.

Mechi nyingine itakayopigwa majira ya saa 10 jioni, ni Singida United itakayokuwa Namfua Stadium kucheza dhidi ya walima Korosho, Ndanda FC kutoka Mtwara.

Wazee wa kupapasa Ruvu Shooting nayo itakuwa mwenyeji dhidi ya Mbeya City kutoka mkoani Mbeya, mechi ikianza saa 10 kamili jioni.

Ikiwa mwisho wa msimamo wa ligi, Majimaji FC itakuwa inajaribu kujinasua mkiani kwa kuwakaribisha Lipuli FC kutoka Iringa. Mechi itaanza saa 10 kamili.

Mbao FC nao wamesafiri mpaka Dar es Salaam ambapo kesho watacheza dhidi ya walamba koni, Azam FC. Mechi itachezwa saa 1 jioni kwenye Uwanja wa Azam Complex uliopo Chamazi.