MASAU: TUNAHITAJI KUIONDOA MTIBWA KWENYE NAFASI YA SITA KWA HARAKA SANA, SUBIRI MAMBO KESHO

Afisa Habari wa Ruvu Shooting, Masau Bwire, ametamba kuelekea mchezo wa kesho ambao wataikaribisha Mbeya City katika Uwanja wao wa nyumbani.

Masau amesema ule mfumo wao wa kupapasa, wataendelea kuutumia kesho ili kupata matokeo yatakayoweza kuiondoa Mtibwa Sugar iliyo nafasi ya 6 huku ikiwa na pointi 27.

Masau ameeleza kuwa kwa sasa wanakuja na kasi kubwa ambayo itawafanya wazidi kupanda juu ya msimamo, walau kwenye nafasi tano za juu.

Msemaji huyo amemtambia Thobias Kifaru, kuwa anahitaji kumtoa kwenye nafasi yake ya 6 kwa uharaka zaidi, endapo Ruvu Shooting itashinda zaidi ya bao moja kesho huku ikiombea Mtibwa Sugar ipoteze.

Ruvu Shootinga itaingia kucheza mechi hiyo ikiwa kwenye nafasi ya 9, huku ikiwa ina alam 24.