SIMBA KUANZA SAFARI YA NJOMBE WIKI HII

Kikosi cha Simba kinatarajia kuanza safari ya kuelekea mjini Njombe Jumamosi ya wiki hii kwa ajili ya mchezo wa Ligi Kuu dhidi ya Njombe Mji.

Kikosi hicho kimekuwa kikiendelea na mazoezi yake kwenye Uwanja wa Boko Veterani jijini Dar es Salaam kujiandaa na mechi hiyo.

Simba wanataraji kusafiri kuelekea mkoani humo kwa ajili ya mechi hiyo itakayopigwa Aprili 3 2018 kwenye Dimba la Sabasaba.

Na kuelekea mchezo huo, wachezaji Salim Mbode, Rafael Bocco, imearifiwa wamezidi kuimarika huku Kiungo Jonas Mkude akiendelea kupata unafuu wa kurejea mazoezini baada ya kuumia kifundo cha mguu wa kulia 'Enka', siku nne zilizopita.