Na George Mganga
Simba SC imeendelea kujikusanyia alama katika Ligi Kuu Bara baada ya kuilaza Mtibwa Sugar FC kwa bao 1-0 jioni hii kwenye Uwanja wa Jamhuri mjini Morogoro.
Mchezo huo uliokuwa unaambatana na mvua iliyokuwa ikinyesha Uwanjani, ulishuhudiwa nyavu zikitikiswa mnamo dakika ya 24 ya kipindi cha kwanza na Emmanuel Okwi.
Okwi alifunga bao hilo akimalizia kazi mpira wa kichwa kutoka kwa John Bocco na kufanya mchezo huo udumu kwa dakika zote 90 huku matokeo yakisalia kuwa 1-0.
Matokeo hayo yanaifanya Simba izidi kujikita kileleni kwa kufikisha alama 52 dhidi ya watani wao wa jadi Yanga wenye 46 mpaka sasa.
Mechi inayofuatia kwa Simba itakuwa dhidi ya Wajelajela Mbeya City FC, itakayopigwa kwenye Uwanja wa Taifa jijini Dar es Salaam.
anaefuata!!!
ReplyDeletetuko pamoja wajina
DeleteWako wapi waliojitapa??
ReplyDeleteWell.Wale wanaofikiria SIMBA hii ni ileile ya Joseph Omog mwaka huu watasubiri sana. Wachezaji wa Simba wanastahili pongezi kwa ushindi hongereni sana mmepigana. Hapa utaona kabisa namna gani uzoefu unavyombeba mfaransa anapokutana na mazingira magumu katika kukiongoza kikosi chake kujikusanyia point muhimu. Na ndio maana tunasema kwa mfaransa huyu katika kipindi kama hiki cha lala salama wanaosubiri Simba kuteleza mwaka huu watasubiri sana.
ReplyDelete