Bosi wa Benchi la Ufundi la timu ya Simba, Mfaransa, Pierre Lechantre ameweka wazi kuhusiana na hofu yake inayotokana na washambulizi anaowategemea kukamiwa na sasa anaomba walindwe.
Lechantre anaona nahodha wake John Bocco na Mganda, Emmanuel Okwi wanakamiwa na mabeki wa timu pinzani, tena kupita kiasi.
Katika ligi hiyo, Simba kwa sasa inaongoza ikiwa na pointi 52, ambazo ni sita zaidi ya Yanga inayoshika nafasi ya pili nyuma ya Azam inayoshika nafasi ya tatu ikiwa na pointi 45.
Simba imefikisha pointi hizo baada ya juzi Jumatatu kufanikiwa kuifunga Mtibwa Sugar bao 1-0 katika mchezo wa Ligi Kuu Bara uliopigwa kwenye Uwanja wa Jamhuri, Morogoro.
Lechantre amesema kuwa amekuwa akipata wakati mgumu kutokana na wachezaji hao kupata majeraha ya mara kwa mara kutokana na kukamiwa na mabeki wa timu pinzani jambo ambalo linaweza kuvuruga mipango yake ya ubingwa.
Kocha huyo amekwenda mbali zaidi kwa kuwaomba waamuzi kuongeza umakini wao kwa wachezaji wake hao ili waweze kufikia malengo ya msimu huu kwa kuwa safu ya ushambuliaji ndiyo tegemezi katika ufungaji wa mabao.
"Kiwango cha Bocco tangu atoke kwenye majeruhi kimezidi kupanda, amekuwa moto maana ukiangalia amesaidia kufunga mabao ya kutosha kwenye mechi za hivi karibuni.
"Lakini bado nimekuwa na hofu ya kuweza kumaliza nao msimu wakiwa wazima kwa sababu, yeye na Okwi wamekuwa wakichezewa rafu kwa kuwa wanakamiwa na mabeki wa timu pinzani kitu ambacho mara nyingi kinavuruga mipango yetu.
"Nadhani kuna haja ya waamuzi kuongeza umakini kwa sababu, soka siyo mchezo wa uadui lakini mabeki wa timu nyingi hufanya kusudi kabisa na ukiangalia ni wachezaji muhimu kwenye kikosi cha kwanza maana tunataka kushinda mechi zote," alisema Lechantre.
Bosi wa Benchi la Ufundi la timu ya Simba, Mfaransa, Pierre Lechantre, yupo sahihi kabisa pamekuwa na nia ovu kwa wachezaji wa team zinazo cheza na simba kushindwa kutumia mbinu za kitaalamu za kukaba sasa wamekuwa wana tumia mabavu na ujangili kukaba wachezaji wetu..
ReplyDeleteHata wakifanya nini, ubingwa ni wa Simba
ReplyDelete