Mshambuliaji wa klabu ya Real Madrid kutoka Wales, Gareth Bale, imeripotiwa anataka kusaidiana na Kocha Julen Lopetegui kuinoa Real Madrid badala ya kwenda kucheza soka England.
Hatua hiyo imekuja mara baada ya kuanza kuhusishwa kuachana na miamba hao wa soka wa Spain ili kwenda kucheza soka lake katika klabu za England.
Bale amefunguka na kueleza kuwa ni bora awe kocha msaidizi wa Madrid ili amsaidie majukumu Lopetegui aliyetangazwa na Real Madrid kurithi mikoba ya Zinedine Zidane ambaye amejiuzulu kuifundidha timu hiyo.
Tetesi za Bale kuondoka Madrid zimeanza muda mrefu ikiwemo kuelezwa kuwa hana furaha ndani ya klabu na baadaye kuanza kuhusishwa kutimkia Manchester United.
Hivi karibuni pia ilikuwa inaelezwa nyota huyo anahitajika na timu yake ya zamani, Tottenham Hostpurs lakini ameibuka na kusema bado anapendelea kusalia Madrid.
0 COMMENTS:
Post a Comment