KIVUMBI CHA UHAI CUP KUENDELEA TENA LEO DODOMA HATUA YA ROBO FAINALI

Na George Mganga

Robo fainali ya mashindano ya Uhai CUP kwa timu zilizotinga hatua hiyo inaendelea mchana wa leo kwa mechi mbili kupigwa.

Mbao FC ya jijini Mwanza itakuwa inawakaribisha matajiri wa jiji la Dar es Salaam, Azam FC katika mchezo huo wa kwanza wa hatua hiyo kuanzia saa 8 kamili mchana.

Wakati huo Mtibwa Sugar watakuwa na kibarua dhidi ya vijana wa Mlandizi, Ruvu Shooting FC, mechi ikipigwa saa 10 kamili jioni.

Mtibwa Sugar na Azam FC zilifuzu kufika hatua hiyo baada ya kumaliza mechi za kundi C zikiwa na alama 5 kila mmoja huku Majimaji na Mwadui FC zikiiaga mashindano.

Vilevile Mbao na Ruvu Shooting zilifika robo fainali zote zikiwa na alama 5 pia kutoka kundi A huku Yanga na Mbeya City zikiondoshwa mashindanoni.

Mechi zote za mashindano hayo chini ya miaka 20 zinafayika kwenye Uwanja wa Chuo Kikuu (UDOM) jijini Dodoma.