Kiungo mpya wa Yanga, Feisal Abdallah Salum ‘Fei Toto’ ameonekana kushangazwa na namna ambavyo kocha wa kikosi hicho, Mwinyi Zahera anavyowanoa.
Fei Toto aliyejiunga na Yanga hivi karibuni akitokea JKU ya Zanzibar, amesema Zahera amekuwa na vitu vingi anapowafundisha jambo ambalo litamfanya kiwango chake kikue zaidi.
Kwa mujibu wa Championi, Fei Toto alisema Zahera ni msaada mkubwa kwake, hivyo anaamini atafanya makubwa zaidi akiwa na Yanga.
“Zahera ni kocha mzuri na mazoezi ambayo anatupa ni mazuri kwani ana vitu vingi ambavyo hutupatia, naamini nikiwa hapa nitakua zaidi na nitafika mbali kisoka,” alisema Fei Toto.
Yanga kwa sasa ipo kambini mkoani Morogoro ikijiandaa na msimu mpya wa Ligi Kuu Tanzania Bara unaotarajiwa kuanzia Agosti 22.
Kichwa cha habar boss na habar haviendan huo siyo mshangao,
ReplyDelete