TFF WAANIKA HADHARANI VIIINGILIO VYA MECHI YA WATANI WA JADI

Shirikisho la Mpira wa Miguu Tanzania (TFF) limetangaza viingilio vya mchezo wa Ligi Kuu ya Tanzania Bara kati ya Simba na Young Africans utakaochezwa Septemba 30, 2018 kwenye uwanja wa Taifa jijini Dar es salaam.

Viingilio hivyo ni shilingi 30,000 kwa VIP A, B na C ikiwa 20,000 huku mzunguko itakuwa ni 7000 pekee.

Mechi inayosuburiwa kwa hamu na wadau pamona na mashabiki wa soka nchini itakuwa ya aina yake kutokana na utaaduni wa timu hizo mbili kujawa na hamasa kubwa pale zinapokutana.

Katika mchezo wa mwisho uliofanyika Uwanja wa Taifa msimu uliopita, Simba iliibuka na ushindi wa bao 1-0 lililofungwa na mchezaji kiraka, Erasto Nyoni.