WAWILI WA KIMATAIFA KUONGEZA NGUVU SIMBA

Wachezaji wa kimataifa wa Simba wanatarajiwa kuripoti kambini leo Jumatano kwa ajili ya kuungana na wenzao kujiandaa na mchezo wa Ligi Kuu Bara dhidi ya Ndanda.

Wache­zaji ambao wanatarajia kuungana na kikosi kesho ni pamoja na Meddie Kagere, Haruna Niyonzima, Clayotus Chama na Em­manuel Okwi wachezaji hao walikuwa kwenye majukumu ya timu zao za taifa.

Simba wataondoka Dar kesho Alhamisi kwa ajili ya mchezo wao dhidi ya Ndanda ambao utapigwa katika Uwanja wa Nangwanda Sijaona, Mtwara.

Kocha wa timu hiyo, Mbelgiji Patrick Aussems alisema wachezaji hao wataungana kwa ajili ya kuendelea na maandalizi ya mchezo ujao wa ligi kuu.

“Wachezaji wetu wanarejea baada ya ku­maliza majuku­mu yao kwenye timu za taifa hadi Jumatano (leo) wanataki­wa kuungana na wenzao kuanza mazoezi mpaka sasa mchezaji ambaye amewasili ni Ai­shi Manula na ameanza mazoezi.

“Wote wanatakiwa kuwa hapa ili kuweza kuwa sawa na programu zetu bila tatizo lolote kama,”alisema kocha huyo.