JKT YATAMBA KUINYOOSHA AZAM NGOMA

Ofisa habari  wa timu ya JKT Tanzania, Koplo Jamila Mutabazi amesema wapo tayari kuinyoosha Azam FC licha ya kuwa na wachezaji nyota kama Donald Ngoma kwa kuwa mwalimu amewapa mbinu wachezaji zitakazowasaidia kushinda.

JKT na Azam FC wamecheza michezo 9 bila kupoteza    wakitofautiana katika kutoa sare, ambapo Azam wametoa sare michezo 3 na kushinda 6 na JKT wametoa sare 6 na kushinda michezo 3.

"Mashabiki wajitokeze kwa wingi ili kuweza kuipa nguvu timu yao kwa kuwa tunaamini tunakutana na timu kubwa yenye ushindani, lengo letu ni kuweza kushinda mchezo huo ili tupate point tatu muhimu" alisema.

 JKT wamejikusanyia point 15 ambazo zimewaweka nafasi ya 8 kwenye msimamo, na Azam FC  inaongoza ligi kwa sasa ikiwa na point 21,watacheza katika uwanja wa Maj.Gen.Isamuhyo uliopo Mbweni.