Uongozi wa timu ya Mtibwa Sugar umesema kuwa wapo imara kwa ajili ya mchezo wao dhidi ya Stand United utakaochezwa Uwanja wa Karume mkoani Shinyanga Alhamisi.
Kocha Mkuu wa Mtibwa Sugar, Zuber Katwila amesema mipango imekamilika wana uhakika wa kuweza kuibuka na ushindi dhidi ya Stand United kutokana na morali ya wachezaji.
"Wachezaji wote wana morali ya kushinda, nimewapa mbinu ambazo zitasaidia kuibuka na ushindi, tunajua namna wapinzani wetu walivyo, wachezaji wangu nawaamini uwezo walionao utasaidia kupata matokeo chanya" alisema.
Mtibwa Sugar wamecheza michezo kumi wameshinda michezo mitano, sare michezo miwili na kupoteza michezo mitatu, wana jumla ya point kumi na saba ambazo zinawaweka nafasi ya nne kwenye msimamo wa ligi kuu.
0 COMMENTS:
Post a Comment