MRISHO NGASSA ATOA YA MOYONI, HIKI HAPA AMESEMA

Mshambuliaji wa timu ya Yanga Mrisho Ngassa amesema kuwa bado wana nafasi ya kuendelea kufanya vizuri kwenye ligi baada ya kupata matokeo mazuri mechi zao za mwanzo.

Ngassa ambaye amerejea Yanga amesema kuwa ushindani ni mkubwa, jambo ambalo haliwezi kukosekana  kitu cha muhimu ni kuona wanapata matokeo.

"Ligi ni ngumu hilo lipo wazi, tumejipanga kuhakikisha tunapata matokeo katika michezo yetu yote,kuanza kwetu vizuri kunazidi kutupa nguvu ya kupambana hivyo tutaendelea kufanya vizuri,mashabiki watupe sapoti," alisema.

Ngassa ni kati ya wachezaji wakongwe wa Yanga ambao wameamua kurejea tena Jangwani.

Alijiunga tena na Yanga baada ya kuondoka Mbeya City ambayo alijiunga nayo akitokea Free State ya Afrika Kusini alikoshindwa kung'ara.