POGBA,GUARDIOLA,CHELSEA,REAL MADRID :TETESI KUBWA ZA LEO JUMATATU ULAYA

Real Madrid wanatarajiwa kumfuta Meneja Julen Lopetegui leo Jumatatu na aliyekuwa Meneja wa Chelsea Antonio Conte ateuliwe mara moja. (Marca).

Meneja wa Manchester City Pep Guardiola ameonya Real kuwa wana uwezekano mdogo wa kumchukua Mauricio Pochettino kutoka Tottenham kuchukua mahala pake Lopetegui. (Evening Standard).

Makamu wa rais wa Juventus Pavel Nedved amekana madai ya kumsaini tena kiungo wa kati wa Manchester United mfaransa Paul Pogba, 25. (Sky Italia, via Inside Futbol).

Manchester United na Chelsea wanatarajiwa kushindania kumsaini kiungo wa kati wa Wales Aaron Ramsey, 27. (Express).

Kiungo wa kati wa Chelsea raia wa Croatia Mateo Kovacic, 24, aliyekuwa kwenye mkopo kutoka Real Madrid anasema ni mapema sana kuzungumzia kuhama kabisa lakini anasema anafurahishwa sana na maisha ya London. (Evening Standard).

Newcastle wanaripotiwa kuwa tayati kumpa Rafa Benitez mkataba anaotaka, ikiwa anaweza kusubiri maombi fulani. (Newcastle Chronicle).

Kiungo wa kati wa Poland Piotr Zielinski, 24, anayelengwa na Liverpool anatarajiwa kusaini mkataba mpya na Napoli. (Express).

Mshambuliaji wa Manchester United Marcus Rashford, 21, hajawahi kufurahia kuwa mchezaji wa ziada hata wakati akiwa na umri wa miaka mitano, kwa mujibu wa kocha wake wa zamani. (Mirror).

Manchester City huenda wakawapiku Tottenham katika kumwinda kiuungo wa kati wa Ajax Frenkie de Jong, 21. (Daily Star Sunday).

Meneja wa zamani wa Chelsea Manager Antonio Conte na kocha wa Juventus Max Allegri wametajwa kuwa wale wanaweza kuchukua nafasi yake Jose Mourinho kama Meneja wa Manchester United mwaka ujao. (Sunday Express).

Arsenal watajaribu kumsaini kiungo wa kati wa Manchester United Juan Mata ikiwa Mhispania huyo mwenye miaka 30 ataondoka bila mkataba msimu ujao. (Daily Star Sunday).

Juventus wanataka kumrudisha, Paul Pogba kwenye klabu na watatoa ofa kwa mchezaji huyo mwenye miaka 25 kiungo wa kati wa Manchester United mwezi January. (Tuttosport, via Mail on Sunday).

Manchester United wamemuamrisha Pogba aache kuzungumzia matatizo yake na Meneja Jose Mourinho na uwezekano wake wa kuondoka Old Trafford. (Sunday Mirror).

West Ham wanatarajiwa kujiunga katika mbio za kumsaini kiungo wa kati wa Atlanta United Miguel Almiron, mchezaji mwenye miaka 24 raia wa Paraguay kwa pauni milioni 25. (Football.London).

Kutoka BBC.