Baada ya ushindi wa mabao 3-0 dhidi ya Stand United, kocha mkuu wa timu ya Simba Patrick Aussems amewaambia wadau wa timu hiyo kuwa anaamini watafanya vizuri hatua ya makundi ya Ligi ya Mabingwa Afrika msimu ujao.
Aussems ambaye aliwahi kushiriki michuano hiyo akiwa na klabu ya AC Leopard ya Congo na Al Halal ya Sudan ingawa hakufika mbali amesema kuwa kikosi chake kina uwezo mkubwa kutokana na aina ya wachezaji alionao.
"Nafahamu tunaenda kushiriki michuano mikubwa na ninaamini kikosi changu kipo vizuri,nina amini Simba itafika kwenye hatua ya makundi lakini itategemeana na droo ile ya Caf.
"Jambo la msingi ni kujipanga na kuhakikisha tunaanza kuonyesha uwezo uwezo wetu katika hatua za awali kabisa ili kuweza kusonga mbele,pia michuano hii kwangu si migeni awali niliwahi kushiriki na timu za Congo na Sudan nikiwa kocha"alisema.
Kusonga mbele kutategemeana na aina ya timu!!
ReplyDelete