WANACHOTAKA YAO WAO NI KUTWANGA TU KILA MECHI, MAANDALIZI YANAENDELEA....

Yanga wametamba wamepania kufanya vizuri kila mechi ya Ligi Kuu Bara iliyo mbele yao.

Msemaji wa Yanga, Dismas Ten amesema kikosi chao kinaendelea na maandalizi ili kuhakikisha kinaendeleza matokeo mazuri katika mechi yao ijayo dhidi ya KMC.

"Hakuna mechi ambayo tunaidharau, tunataka kufanya vizuri katika kila mechi. Hivyo kikosi kinaendelea na maandalizi kwa kuwa tumepania kufanya vizuri.

"Biashara ni asubuhi na hatuwezi kuifanya vizuri bila maandalizi ya kutosha," alisema.

Yanga ambayo ilianza ligi ikionekana haina nguvu ya kufanya vema, baadaye iliwashangaza wengi baada ya kuwa na mwendo mzuri.

Tayari Yanga imeshinda mechi sita kati ya saba ilizocheza ikiwa imetoa sare moja tu dhidi ya Simba na kukusanya pointi 19. Sasa iko katika nafasi ya pili, nyuma ya Azam FC iliyo kileleni na pointi 21.