WALICHOTUMIWA MBABANE SWALLOWS NA SIMBA HIKI HAPA

Baada ya Simba kupangwa kucheza na timu ya Mbabane Swallows kutoka Swaziland kumeufanya uongozi kuanza tambo mapema kuelekea katika mashindano hayo ya kimataifa ya Ligi ya Mabingwa Afrika.

Simba itaanza kuchanga karata yake ya kwanza kati ya tarehe 27 ama 28 ya mwezi 11 wakiwakaribisha nyumbani wapinzani wao na mchezo wa marudiano unatarajiwa kuwa kati ya tarehe 4 au 5 ya mwezi wa 12 nchini Swaziland.

Ofisa habari wa Simba, Haji Manara amesema kuwa kazi ndo inaanza rasmi kuusaka ubingwa wa Afrika kwa kuanza kucheza na Mbabane Swallows FC.

"Tunaanza na klabu ya kutoka Swaziland, kisha tukiwatoa tunakutana na klabu kutoka Zambia ama Malawi, kauli mbiu yetu ni inawezekana, na tunajua kwamba tumepewa agizo na Rais John Magufuli kuhakikisha tunafanya vizuri kimataifa," alisema.

Mbabane Swallows FC, ilianzishwa mwaka 1948, inashiriki ligi kuu nchini Swaziland na inatumia uwanja wa Somhlolo.