KOCHA wa timu ya Azam FC, Hans Pluijm amesema atatumia wachezaji wake muhimu katika kikosi cha kwanza wakiongozwa na mshambuliaji Obrey Chirwa ili kupata matokeo katika mchezo wao wa leo kombe la FA dhidi ya Pamba FC ya Mwanza.
Azam leo atakuwa kwenye Uwanja wake wa nyumbani Chamazi akicheza mchezo wake wa kombe la FA ikiwa ni hatua ya nne baada ya kuvuka hatua ya tatu kwa ushindi wa mabao 2-0 dhidi ya Madini FC.
Akizungumza na Saleh Jembe, Pluijm amesema ushindani ni mkubwa hasa pale timu kubwa inapocheza na timu ya daraja la kwanza kwani anakumbukumbu ya kupata taabu mbele ya Madini hasa kipindi cha kwanza.
"Wachezaji wangu wote wana uwezo wa kubadili matokeo na nina imani uwepo wa Obrey Chirwa, Donald Ngoma pamoja na wachezaji wote wakiwa uwanjani itasaidia kupata matokeo mapema.
"Nimewaanda kisaikolojia wachezaji wangu na huwa napata muda wa kuzungumza nao, wote wanaelewa kwamba tunapaswa tucheze tukiwa ni timu na sio mchezaji mmoja mmoja, tupo nyumbani tunakazi ya kuutumia vizuri Uwanja wetu," alisema Pluijm.
0 COMMENTS:
Post a Comment