YANGA WAINGIA ANGA ZA SIMBA KWA MTINDO HUU

KOCHA Mkuu wa Yanga, Mwinyi Zahera amesema mpango wake mkubwa ni kuona anafanikiwa kubeba kombe la Ligi Kuu Bara lililo mikononi mwa Simba ili aweze kuifanya timu yake kuwa ya kimataifa.

Zahera amesema kufanikiwa kwake kutwaa kombe kutampa tiketi ya kupanda ndege na kushiriki michuano ya kimataifa inayoandaliwa na Shirikisho la Soka Afrika (Caf).

"Hakuna kingine ambacho kipo akilini mwangu kwa sasa zaidi ya kuona timu yangu inatwaa kombe la FA na lile la Ligi Kuu Bara ili kushiriki michuano ya kimataifa.

"Hilo linawezekana kwa wachezaji kucheza kwa juhudi na kutambua kazi kubwa Uwanjani ni kutafuta matokeo," alisema Zahera.

Yanga anaongoza Ligi Kuu Bara akiwa na pointi 53 baada ya kucheza michezo 20 amepoteza mchezo mmoja ana sare mbili na ameshinda michezo 17.