KUMEKUCHA!! MANJI KUREJEA KWA KISHINDO YANGA

KUMEKUCHA Yanga! Hivyo ndi­vyo unavyoweza kusema baada ya taarifa mpya kuibuka klabuni hapo mara tu baa­da ya uchaguzi wa kuziba nafasi za viongozi zili­zoachwa wazi ikiwemo ile ya mwenyekiti kusitishwa Ijumaa iliyopita kutokana na baadhi ya wanachama wa klabu hiyo kukimbilia mahakamani kupinga zoe­zi hilo ambalo lilitakiwa kufanyika jana Jumapili.

Hata hivyo wakati ufum­buzi wa suala hilo ukitara­jiwa kupatikana leo hii, taarifa mpya ambazo sasa zipo ndani ya Yanga ni juu ya kurejea klabuni hapo kwa aliyekuwa mwenyekiti wa klabu hiyo, Yusuf Manji.

Ikumbukwe kuwa kabla ya kufikiwa uamuzi huo wa kuziba nafasi hizo ul­iofikiwa na Shirikisho la Soka Tanzania (TFF) am­balo pia limekuwa likisima­mia mchakato mzima wa uchaguzi huo, Novemba 11, mwaka jana.

Mwenyekiti wa Baraza la Wadhamini la Yanga ambaye pia ni Waziri wa Nchi, Ofisi ya Rais, Menejimenti ya Utumishi wa Umma na Utawala Bora, George Mkuchika alipokuwa akizungumza na waandishi wa habari, alisema kuwa Manji ataanza kwenda ofisini kwa ajili ya kazi zake za uenyekiti wa klabu hiyo kuanzia Januari 15, mwaka huu ambayo ni kesho Ju­manne.

Mkuchika alisema kuwa, Manji aliliambia baraza hilo la wadhamini wa Yanga kuwa tarehe hiyo ndipo ataanza kwenda ofisini kwake Yanga.

Baadhi ya wanachama wa Yanga wamejiandaa kumpokea kiongozi wao hiyo kama atatokea klabu hapo hiyo kesho kama al­ivyowaahidi kupitia barua yake hiyo aliyokuwa akiliji­bu baraza hilo la wadhamini la Yanga kuridhia maombi ya wanachama hao.

Kwa mujibu wa Championi, mmoja kati ya wajumbe wa kamati ya utendaji wa klabu hiyo alisema: “Wanachama wengi wamejiandaa kuona hiyo Jumanne itakuwaje, je kiongozi wao huyo wa­nayempenda kweli ataanza kuja ofisini kama alivy­okuwa ameahidi?

“Lakini pia wanasubiria kuona ni maamuzi gani ya­takayotolewa na mahakama hii leo baada ya baadhi ya wanachama kwenda kufun­gua kesi ya kuzuia uchaguzi huo wa kuziba nafasi za vi­ongozi zilizo wazi ikiwemo ile ya mwenyekiti ambayo TFF wanadai kuwa nayo ipo wazi wakati wanachana wao wanajua kuwa mwenye nafasi hiyo yupo.”

Alipotafutwa Kaimu Ka­tibu Mkuu wa Yanga, Omary Kaya simu yake ya mkononi iliita tu bila ya kupokelewa lakini Ofisa Habari wa timu hiyo, Dismas Ten al­ipoulizwa kuhusiana na hilo alisema: “Sina taarifa yoyo­te kuhusiana na hilo mezani kwangu.”