KAGERE WA SIMBA AMJIBU MAKAMBO WA YANGA KWA MTINDO HUU

MSHAMBULIAJI wa Simba, Meddie Kagere amerudisha majibu kwa mshambuliaji nyota wa Yanga, Heritier Makambo na kufanya vita vyao izidi kuwa kali bara kwa sasa kwa upande wa ufungaji na mchezaji bora.

Makambo alianza kufunga mabao 12 kwenye ligi na kumuacha nyuma Kagere, kwa sasa wote wana mabao 12. Pia kwa upande wa tuzo ya mchezaji bora, Makambo alikusanya tuzo mbili na kumuacha Kagere akiwa na moja ila wote sasa wana tuzo mbili.

Kagere aliaza kubeba tuzo msimu huu mwezi Agosti, Makambo akamjibu mwezi Novemba akaongeza nyingine ya pili mwezi Desemba na kumuacha Kagere akiwa na tuzo moja mkononi.

Mwezi Februari, Kagere ameibuka na kubeba tuzo yake ya pili na kufanya iwe ngoma droo kwa sasa kwani wote wamekusanya tuzo mbilimbili kwenye makabati yao.

Kocha wa Yanga, Mwinyi Zahera amesema kuwa wachezaji wote wawili ni bora ila kinachowatofautisha ni mazingira waliyopo pamoja na wachezaji ambao wanawazunguka.