KIPA YANGA ATUMA UJUMBE KWA AS VITA

Mlinda mlango wa Yanga, Metacha Mnata amesema kuwa wamejipanga kufanya kutoa burudani kwenye mchezo wao dhidi ya AS Vita utakaochezwa uwanja wa Taifa.

Yanga itamenyana na AS Vita ya Congo mchezo wa kirafiki utakaochezwa Agosti 4 siku ya kilele cha wiki ya Wananchi.

Mnata amesema kuwa mazoezi ambayo wanayafanya yanawajenga na kuwaimarisha kila siku.

“Tunaimarika na kambi ambayo tumeiweka Morogoro, kila mchezaji ana morali na anaelewa kile anachofundishwa tupo tayari kumenyana na AS Vita, “ amesema.