BIASHARA UNITED YAPANIA KUMALIZA BIASHARA NA KAGERA SUGAR LEO

KOCHA Mkuu wa Biashara United, Amri Said amesema kuwa kikosi kipo tayari kumaliza biashara mbele ya Kagera Sugar mchezo wa ligi utakaochezwa uwanja wa Karume.

Akizungumza na Saleh Jembe, Said amesema kuwa wamejiandaa kutoa burudani kwa mashabiki na kuleta ushindani wa kweli msimu mpya wa 2019/20.

“Tunatambua mchezo utakuwa mgumu ila lazima tumalize biashara mapema, kikosi kitawakosa wachezaji wawili ambao ni pamoja na Victor Hangaya na Joseph Kimwaga, wengine wapo fiti, mashabiki wajitokeze,” amesema.

Meky Maxime, Kocha Mkuu wa Kagera Sugar amesema kuwa hana mashaka na mchezo huo ana imani ya kupata ushindi na kikosi chake wote wapo kamili gado.

Msimu uliopita wa mwaka 2018/19 walipokutana uwanja wa Karume matokeo ilikuwa 0-0 hivyo leo kazi kubwa ni kutafuta rekodi mpya.

Azam FC: Waethiopia wanakuja machinjioni watachinjwa