NAMUNGO V NDANDA KUTAWAKA MOTO LEO

KUELEKEA kwenye mchezo wa ligi kuu leo kati ya Namungo FC dhidi ya Ndanda, uwanja wa Majaliwa viongozi wa timu zote mbili wamesema kuwa lazima wafungue pazia kwa ushindi ili kuwa na mwelekeo mzuri kwenye michezo inayofuata.

Akizungumza na Saleh Jembe, Hitimana Thiery, Kocha Mkuu wa Namungo amesemawamefanya maandalizi ya kutosha kupata ushindi.

“Ni mchezo wetu wa kwanza, tumefanya maandalizi ya kutosha kufungua pazia vema, hakuna kinachotutisha kwani usajili wetu ni bora na wa viwango, mchezaji mmoja tu Dany Gustavo tutamkosa wengine wapo vizuri,” amesema.

Kwa upande wa Ndanda FC, kupitia Ofisa Habari wao Idrisa Bandari amesema  kuwa kikosi kipo tayari kwa ushindani.

“Malale Hamsini ndiye anayekinoa kwa sasa na amewapa mbinu nyingi wachezaji, mpaka sasa hakuna majeruhi tuna imani utakuwa mchezo mgumu ila tunahitaji ushindi,”.