ALIYEMPA MTIHANI STRAIKA ZESCO UNITED AREJESHWA YANGA

Kocha Mkuu wa Yanga, Mwinyi Zahera, amrejesha kiraka wake Mapinduzi Balama katika kikosi cha timu yake tayari kwa mechi dhidi ya Zesco United.

Yanga itakutana na Zesco United Septemba 28 wiki hii katika mchezo wa mkondo wa pili huko Ndola, Zambia baada ya mechi ya awali kwenda sare ya 1-1.

Balama ambaye alikuwa mwiba mchungu kwa straika matata wa Zesco, Jesse Were, aliondolewa na Zahera kwenye program ya mazoezi kufuatia kuumia kwenye mchezo wa awali.

Yanga inatarajiwa kuondoka nchini usiku wa leo huku Mratibu wa timu hiyo, Hafidh Saleh, akisema Balama atakuwa sehemu ya wachezaji watakaosafiri na kikosi.

Yanga inapswa kuibuka na ushindi wa aina yoyote katika mechi hiyo ili kupata nafasi ya kusonga mbele kwenye michuano hiyo ya Ligi ya Mabingwa Afrika.