NOMA SANA KABLA YA MECHI YA KIMATAIFA, AZAM FC WATAJA HESABU ZAO

UONGOZI wa Azam FC umesema kuwa umejipanga kufanya maajabu kimataifa hivyo mashabiki wawape sapoti ya kutosha bila kukata tamaa.

Azam FC ina kibarua mbele ya Triangle United ya Zimbabwe Septemba 15 mchezo utakaopigwa Chamazi ambao ni wa hatua ya kwanza ya Kombe la Shirikisho Afrika.

Akizungumza na Saleh Jembe, Kocha Mkuu wa Azam FC, Etienne Ndayiragije amesema kuwa wakati wa Azam FC kufanya makubwa ni sasa kutokana na ubora wa timu.

"Azam FC ni miongoni mwa timu bora ina uwezo wa kuushangaza ulimwengu hasa kutokana na mabadiliko ambayo yanatokea kwa sasa.

"Tupo tayari kupeperusha bendera kimataifa tunahitaji sapoti ya mashabiki mwazo mwisho," amesema.