STARS YAWAITA MASHABIKI TAIFA KUTOA SAPOTI YA KUWAMALIZA WASUDAN

JUMA Kaseja, mlinda mlango wa timu ya Taifa ya Tanzania amesema kuwa watapambana Jumapili mbele ya Sudan kupata matokeo chanya kwa manufaa ya Taifa.

Stars itamenyana na Sudan Jumapili, uwanja wa Taifa mchezo wa kuwania kufuzu hatua ya michuano ya Chan ambayo inawahusisha wachezaji wanaocheza ligi ya ndani mwaka 2020 nchini Cameroon.

Kaseja amesema :"Tunapambana kwa ajili ya Taifa na kila mchezaji anatambua jukumu lake ni kutafuta matokeo ndani ya uwanja na kwa sasa kila mmoja anahitaji kupata matokeo chanya hivyo mashabiki watupe sapoti," amesema.