YANGA YATUMIA DAKIKA 270 KUMSOMEA MINGO LWANDAMINA

MWINYI Zahera, Kocha Mkuu wa Yanga amewatazama wapinzani wake wa leo kimataifa Zesco kwenye mechi zao tatu ambazo ni sawa na dakika 270.

Yanga inacheza leo na Zesco, uwanja wa Taifa ikiwa ipo chini ya Kocha Mkuu George Lwandamina ambaye aliwahi kuionoa Yanga.

 Zahera amesema kuwa alipata muda wa kuitazama timu ya wapinzani wao Zesco kwenye michezo yao mitatu ambayo walicheza.

“Nawatambua vizuri Zesco namna walivyo bora na udhaifu wao ulipojificha, nimewafuatilia kwa ukaribu na nina imani ya kupata matokeo kutokana na maandalizi ambayo tumefanya.

“Mechi tatu ngumu kwao ilikuwa dhidi ya TP Mazembe ambao walicheza nao pia walicheza mechi mbili na Zanaco zote nilizitazama sina mashaka na kikosi changeu tupo vizuri,” amesema Zahera.