ARSENAL YAWASHAMOTO EPL, SASA NDANI YA TATU BORA ENGLAND

ARSENAL imezidi kuwasha moto wake ndani ya Ligi Kuu England baada ya kusepa jumla na pointi tatu za Bournemouth leo.

Arsenal inacheza mchezo wake wa tatu wa Ligi bila kupoteza baada ya kuanza kushinda kwa mabao 3-2 dhidi ya Aston Villa Septemba 22 kabla ya kulazimisha Sare ya kufungana bao 1-1 na Manchester United pale Old Trafford.

Bao pekee la ushindi leo limepachikwa kimiani na David Luiz dakika ya 9 akimalizia pasi ya kona ya Pepe.

Ushindi wa leo unaifanya Arsenal iwe ndani ya tatu Bora baada ya kukusanya pointi 15 kwenye michezo nane iliyocheza.

Bournemouth ipo nafasi ya 10 imejikusanyia jumla ya pointi 11 msimu huu baada ya kucheza mechi nane.

Mchezo unaofuata kwa Arsenal ni dhidi ya Sheff United utakaopigwa Octoba 21.