AZAM FC YA MROMANIA YAINGIA ANGA ZA YANGA

AZAM FC iliyo chini ya kocha Mromania, Aristica Cioaba imeingia anga za Yanga baada ya kuonyesha dalili za kumsajili winga Ismail Azizi ‘Carzola’ wa Tanzania Prisons.
 

Azam wamemfanya winga huyo kuwa moja ya maeneo ambayo watayaboresha katika usajili huu wa dirisha dogo pia wanamvutia kasi Allan Okello.

“Hizo ndizo hesabu zilizopo ambapo Azam FC nao wameingia kwa Ismail wakiwa na nia yao kumsajili kama ambavyo Yanga walivyoonyesha nia ya kumsajili awali.”  ilieleza taarifa hiyo.

Makamu Mtendaji Mkuu wa Azam FC, Abdulkarim Amin 'Popat' amesema kuwa hawana mpango wa kumvuta ndani ya kikosi Okello kwa sasa.

"Ndio kulikuwa na safari ya nchini Uganda ila hakuna mpango wa kumsajili Okello, bado mipango ya usajili inasubiri ripoti mambo yakikamilika taarifa itatolewa," amesema.