HAALAD ANA JAMBO LAKE NA MANCHESTER UNITED

NYOTA wa kikosi cha Red Bull Salzburg, Erling Braut Haaland ameonekana akimwaga saini ya wino wake kwenye jezi ya mashabiki wa Manchester United.

Nyota huyo amekuwa akihusishwa kujiunga na klabu hiyo ya Manchester United iliyo chini ya Kocha Mkuu Ole Gunnar Solskajer.

Haalad mwenye umri wa miaka 19 amekuwa gumzo kutokana na picha hiyo kusambaa huku wengi wakiamini kwamba ni dalili kwake kutua ndani ya klabu hiyo yenye mashabiki wengi duniani.

Amekuwa bora ndani ya Ligi ya Mabingwa Ulaya baada ya kuifungia timu yake mabao 8, mawili amefunga kwa penalti pia anatajwa kuwindwa na timu nyingi ikiwa ni pamoja na Juventus, Borussia Dortumund na RB Leipzig.