NAMUNGO HUKO KUMENOGA WAIBUKIA UGANDA KIBISHI

KOCHA Mkuu wa Namungo FC, Hitimana Thiery amesema kuwa timu yake inajiandaa kumnasa mshambuliaji mpya raia wa Uganda kwa ajili ya kuimarisha eneo la ushambuliaji.

Katika kipindi hiki cha dirisha dogo la usajili, timu nyingi hufanya mabadiliko ili kuimarisha vikosi vyao na ndiyo hali ilivyo kwa kocha wa Namungo FC.

Hitimana amesema kuwa kwa sasa uongozi wa timu hiyo upo kwenye mazungumzo na mshambuliaji uraia wa Uganda ambaye hapo awali  alicheza katika Ligi Kuu ya nchini Congo.

“Kiukweli kwa sasa tupo kwenye mazungumzo na mshambuliaji mmoja ambaye aliwahi kucheza Ligi ya nchini Congo na mazungumzo yanaenda vizuri, kwa hiyo muda wowote tukimalizana nae tutawaambia,” amesema Hitimana.