HAWA HAPA WAMETWAA TUZO ZA VPL LEO, MLIMAN CITY

 

WAAMUZI Abdallah Mwinyimkuu, Ferdinand Chacha,Mohamed Mkono, Athuman Lazi wakiwa na Tuzo za Seti Bora ya Waamuzi waliyoshinda kwa kuchezesha vyema mchezo wa Ligi Kuu ya Vodacom mchezo kati ya Simba dhidi ya Mtibwa Sugar.

Tuzo hizi zinatolewa leo, Agosti 7 kwenye Ukumbi wa Mlimani City, Dar es Salaam.

Kwa upande wa tuzo ya timu yenye nidhamu kwa msimu wa 2019/20 imekwenda kwa timu ya Kagera Sugar inayonolewa na Mecky Maxime.

Wawakilishi wa Mabingwa wa Ligi Kuu ya Vodacom Tanzania Simba wakiongozwa na Ofisa Habari Haji Manara wamepokea zawadi ya ubingwa kwenye Tuzo za Ligi Kuu mfano wa hundi yenye thamani ya milioni 100.

Wawakilishi wa washindi wa nafasi ya pili ambao ni Yanga wakiongozwa na Makamu Mwenyekiti, Fredrick Mwakalebela nao wamekabidhiwa zawadi ya mshindi wa nafasi ya pili mfano wa hundi ya shilingi milioni 40 na tano.

Wawakilishi wa Azam FC ambao ni washindi wa tatu wamepokea zawadi mfano wa hundi shilingi milioni 30 wakiongozwa na Mtendaji Mkuu wa Azam FC, Abdlkarim Amin.

Wawakilishi wa washindi wa nne Namungo FC nao pia wamepokea zawadi ya mfano wa hundi yenye thamani ya shilingi milioni 10.

Novastus Dismas wa Biashara United ameibuka na tuzo ya mchezaji bora chipukizi.

Mwamuzi Bora Ramadhan Kayoko na mwamuzi bora msaidizi ni Frank Komba wote wa Dar.