MBEYA CITY YACHIMBA MKWARA

 

BAADA ya kufanikiwa kupata ushindi wa kwanza kwenye ligi kuu msimu huu, kikosi cha Mbeya City kimetamba kuibuka na ushindi kwenye michezo iliyoko mbele yao.

 

Mwishoni mwa wiki iliyopita, Mbeya City walifanikiwa kupata ushindi wa kwanza msimu huu ambapo walifanikiwa kuifunga Kagera Sugar kwenye Uwanja wa Kaitaba mkoani Kagera.

 

Mpaka sasa Wagonganyundo hao wa Jiji la Mbeya, wamefanikiwa kujikusanyia pointi tano baada ya kucheza michezo nane.

 

Kocha Msaidizi wa Mbeya City, Mathias Wandiba alisema sasa wanajiandaa na mchezo ujao dhidi ya Ihefu.

 

"Tunamshukuru Mungu tumefanikiwa kupata ushindi wa kwanza kwenye ligi na tunaamini huu ndiyo mwanzo wetu kwenye ligi," alisema kocha huyo.

 

Mchezo wao ujao unatarajiwa kuchezwa kwenye Uwanja wa Sokoine mwishoni mwa wiki hii.

Mbeya City ilimfuta kazi kocha wake Amri Said ambaye kutokana na mwendo wake kuwa wa kususua ndani ya Ligi Kuu Bara msimu wa 2020/21.