YANGA YAPATA MABOSI WAPYA NANE

 

UONGOZI wa klabu ya Yanga chini ya Mwenyekiti Dkt. Mshindo Msolla leo Desemba 7 umefanya uteuzi wa wanachama nane akiwemo Mwenyekiti wa zamani wa klabu hiyo, Imani Madega kuunda Kamati ndogo ya mabadiliko ya Katiba Yanga.

 

Madega aliwahi kuiongoza Yanga kwa miaka mitatu katika nafasi ya Uenyekiti tangu mwaka 2007 hadi mwaka 2010.

  Pia amewahi kuhudumu kwenye Shirikisho la Soka Tanzania (TFF) akiwa mjumbe wa Kamati ya Sheria na Hadhi za wachezaji.

 

Ikumbukwe kuwa Jumatano ya Novemba 2, mwaka huu kampuni ya La Liga ilikabidhi rasmi rasimu ya mabadiliko ya uendeshaji wa klabu hiyo ambayo inataka kubadili mfumo na kujiendesha kisasa.

Rasimu hiyo ina jumla ya karatasi 400 ambazo zinapaswa zipitiwe kwa umakini ili kuendeleza safari ya mabadiliko. 

Wajumbe wengine walioteuliwa kuunda kamati hiyo ni; Wakili Raymond Wawa (Mwenyekiti), Wakili Sam Mapande, Wakila Audats Kahendagile, Wakili Mark Anthony, Mohammed Msumi, Pastory Kiyombia na Debora Mkemwa.