HUYU NI BEKI ALIYETEKWA NA SIMBA BANDARINI, ALIKUWA KWENYE RADA ZA YANGA

 

HATIMAYE leo Machi 12, Ofisa Habari wa Simba, Haji Manara ameweka wazi kuwa usajili wa beki Ibrahim Ame kutoka Klabu ya Coastal Union ulikuwa ni wa kibabe.

Beki huyo ambaye pacha wake Bakari Mwamnyeto kwa sasa yupo ndani ya Yanga inaelezwa kuwa alikuwa kwenye rada za Yanga na baada ya kukamilisha kila kitu aliletwa Dar kabla ya mabosi wa Simba kuingilia kati dili hilo.

Ikiwa leo ni siku ya kumbukizi kwa beki huyo wa Simba inayonolewa na Kocha Mkuu, Didier Gomes, Manara ameandika namna hii kupitia ukurasa wake rasmi wa Instagram:-"Ame rejea mazungumzo yetu ofisini kwetu ile siku tuliokuteka pale bandarini.

"Naomba kayasimamie kikamilifu ili upiganie nafasi msimbazi.

"Wewe bado mdogo kwa umri na nafasi ya kuwa beki mkubwa nchini unayo, coz (Sababu) uwezo huo upo katika miguu na akili yako. 

"Mimi ninayo hope, (tumaini) kubwa na wewe dogo. Maneno haya nimeyaandika sambamba na kukuwish siku yako ya kuzaliwa, ".