ISHU YA LAMINE MORO NA YANGA IMEFIKIA HAPA

 MABOSI wa Yanga imeelezwa kuwa kwa sasa wamefikia maamuzi mazuri na beki wa kati ambaye ni nahodha Mghana, Lamine Moro na kumrejesha kikosini.

Hiyo ikiwa ni siku chache tangu beki huyo

aondolewe kwenye kikosi cha timu hiyo na

Kocha Mkuu wa Yanga raia wa Tunisia,

Nasreddine Nabi kwa kile kilichoelezwa utovu

wa nidhamu.

Beki huyo aliondolewa akiwa Ruangwa, Lindi

wakati timu hiyo ilipokwenda kucheza mchezo

wa Ligi Kuu Bara dhidi ya Namungo FC kwenye

Uwanja wa Kassim Majaliwa.

Akizungumza na Championi Ijumaa, Mkuu wa

Kitengo cha Habari na Mawasiliano wa timu

hiyo, Hassan Bumbuli, alisema kuwa uongozi

wa Yanga umefikia muafaka mzuri na beki wake

 baada ya wiki iliyopita kukaa naye kikao na

kusikiliza madai yake.

Bumbuli alisema kuwa uongozi ulifanya kikao

na beki huyo kwa ajili ya kusikiliza utetezi wake

kutokana na kosa alilolitenda ambalo

limefichwa, kabla ya kumsamehe.

Aliongeza kuwa, tofauti hizo mbili kati ya kocha

na Lamine wamezimaliza na beki huyo

atajiunga na timu mara baada ya kurejea juzi

Jumatano jijini Dar wakitokea kucheza mchezo

wa robo fainali ya Kombe la FA dhidi ya Mwadui

ambao ulimalizika kwa Yanga kushinda mabao

2-0.

“Isingekuwa vizuri uongozi kuchukua maamuzi

ya kumuondoa kabisa kikosini Lamine bila ya

kumsikiliza yeye, hivyo uongozi wiki iliyopita ulimuita na kufanya naye kikao kwa lengo la kusikiliza utetezi wake.

“Hiyo ni baada ya tatizo hilo kutokea kambini ambako hawakuwepo viongozi, hivyo tulimsikiliza kocha na wiki iliyopita tulimsikiliza Lamine utetezi wake, hivyo suala hilo tumelimaliza salama,” alisema Bumbuli.

“Baada ya kumaliza tatizo hilo, uongozi ulimbakisha hapa Dar kutokana na kutokuwepo katika mipango ya kocha kuelekea mchezo wetu wa FA dhidi ya Mwadui FC tuliocheza Uwanja wa CCM Kambarage, Shinyanga.”