POLISI TANZANIA WAANZA KUIVUTIA KASI SIMBA

 BAADA ya kupewa mapumziko ya siku nane

kikosi cha Polisi Tanzania kimeingia kambini

kwa ajili ya kujiandaa na mchezo wa Ligi Kuu

Bara dhidi ya Simba.

Polisi wanatarajia kuwakaribisha Simba Juni 19,

mwaka huu kwenye Uwanja wa CCM Kirumba

jijini Mwanza.

Wachezaji wa timu hiyo walipewa mapumziko

baada ya kumalizika kwa mchezo wa ligi dhidi

ya Coastal Union ambapo Polisi iliibuka na

ushindi wa bao 1-0.

Ofisa Habari wa Polisi Tanzania, Hassan Juma alisema

kuwa: “Timu ilianza mazoezi mapema wiki hii

kwenye Uwanja wa TPC, Moshi kwa ajili ya

kujiandaa na mchezo wa ligi dhidi ya Simba.

“Askari wa mwamvuli wamerejea wakiwa na ari

na morali ya kupambana ya kuhakikisha

malengo ya timu kwa msimu huu ya kukusanya

pointi 12 katika michezo iliyobaki ukiwemo ule

wa Simba yanaweza kufikiwa.”

Polisi Tanzania imebakiwa na michezo minne

kuelekea mwishoni mwa msimu huu, ikiwa ni

dhidi ya Simba, Kagera Sugar, Mwadui na Ruvu

Shooting, na ipo katika nafasi ya sita kwenye

msimamo ikiwa na pointi 41.