SAKATA LA HAJI MANARA NA BABBARA, SIMBA WATOA TAMKO

BAADA ya Ofisa wa Habari wa Simba, Haji

Sunday Manara, kuweka hadharani chuki

anazodaiwa kufanyiwa na Ofisa Mtendaji Mkuu

(CEO) wa timu hiyo, Barbara Gonzalez,

hatimaye uongozi wa Simba umetoa tamko.

Sauti iliyosambaa mitandaoni ambayo inadaiwa

ni ya Manara, ilisikika ikisema:“Barbara una chuki mbaya sana kwangu hadi naogopa kula mbele yako, naacha hii timu kwa ajili yako kwa sababu ya chuki yako kwangu, unajiona wewe ni Simba kuliko wote, unataka umaarufu kinguvu.

“Unadhalilisha wafanyakazi wa Simba na

kuwatishia, unatamani kuniondoa Simba,

sitakubali na hujui lolote kuhusu hii klabu,

subiri hii mechi ipite.

“Nasingiziwa eti nilienda Kigamboni kwenye

kambi ya Yanga, vitu vya hovyo kabisa, mimi

sinunuliki kwa thamani ya fedha Barbara

kwangu haya ni matusi.”

Baada ya maneno hayo kuzuka, Championi

lilimtafuta mwenyekiti wa Simba, Murtaza

Mangungu, ili azungumzie ishu hiyo ambapo

alisema: “Tunasubiri mechi ya Kigoma iishe ndipo

tuweze kuongea nao na kutatua tatizo ila kwa

sasa tumeweka akili zetu kwenye mchezo wa

Kigoma.

“Suala la wao kwenda Kigoma au kutokwenda

waulize wenyewe watakujibu.”

Jumapili hii Simba itakuwa ikicheza na Yanga

kwenye fainali ya Kombe la Shirikisho kule

Uwanja wa Lake Tanganyika, Kigoma.