BABA YONDANI ANITEMBELEA, HUYU NI BONGE LA MDINGI

Niko Mwanza, nyumbani kwetu nimerejea huku kutokana na matatizo ya kifamilia.

Pamoja na mambo mengine, leo asubuhi nimekuwa na furaha sana baada ya Mzee wangu, Patrick Yondani alipoamua kunitembelea.

Patrick Yondani ndiye baba mzazi wa beki nyota wa Yanga, Kelvin Yondani. Leo alikuja kunitembelea na kunijulia hali. Kelvin ana bahati ya kupata baba kama huyu, niamini 'he's very understanding'.

Yondani ni kati ya wachezaji wa zamani wa soka, yeye alikuwa mshambuliaji tofauti na mwanaye ambaye ni tegemo la safu za ulinzi za Yanga na Taifa Stars.

 

Baadaye tulibadilisana mawazo kuhusiana na masuala mbalimbali ya soka, mzee anajua mambo mengi sana ya soka, ufahamu wake uko juu.

Nikatamani siku moja angepata nafasi ya uongozi, tulizungumza mambo mengi kuhusiana na soka kwa ujumla, ikiwemo kuhusiana na Toto African, timu ya hapa Mwanza ambayo inapigania ‘roho’ yake ili isitelemke daraja.

Nashukuru sana mzee kwa kuonyesha kijana wako pamoja na kwamba una majukumu kibao hapa jijini Mwanza.

PICHA ZOTE NA WIFE