NDLOVU APANDISHWA KIZIMBANI KUSABABISHA KIFO CHA KAKA'KE

 

Peter Ndlovu..

 

Mshambuliaji wa zamani wa Coventry, Birmingham na Sheffield United, Peter Ndlovu raia wa Zimbabwe amepandishwa kizimbani kwa tuhuma za kusababisha kifo cha kaka yake.

Ndlovu alikuwa anaendesha gari wakati ajali mbaya ilipotokea na kusababisa kifo cha kaka yake, Adam Ndlovu pamoja na rafiki yake.

Gari baada ya ajali...

 Katika ajali hiyo ya gari aina ya BMW X5 lililogonga mti karibu na uwanja wa ndege ulio karibu na maporomoko ya Victoria, Ndlovu aliumia vibaya kichwani na mguuni.

Wakati wa mazishi ya kaka yake, Ndlovu mwenye miaka 39 alihudhuria akiwa katika kiti cha matairi kutokana na kushindwa kutembea.

Marehemu Adam Ndlovu (kulia), enzi za uhai wake..

 Ukiachana na Adam ,42, aliyefariki katika ajali hiyo, mwingine aliyefariki alikuwa ni Nomqhele Tshili aliyekuwa na miaka 24.

Wakati ajali inatokea, Ndlovu alikuwa kocha msaidizi wa timu ya taifa ya Zimbabwe pia kocha mkuu wa timu ya vijana chini ya miaka 23.

Marehemu Adam alikuwa mmoja wa wachezaji nguli wa Zimbabwe aliyecheza soka la kulipwa katika nchi za Switzerland na Afrika Kusini pia alishikilia rekodi ya ufungaji mabao katika timu ya taifa ya Zimbabwe na baadaye alipostaafu akachukua jukumu la kuifundisha timu ya ligi kuu nchini mwaka ya Chicken Inn.